Gözəl görünmək istəyi hansı fəsadlar törədə bilər

Hamı yaxşı bilir ki, hər bir qadının ən böyük arzusu gözəl görünmək və ətrafdakıların diqqətini cəl etməkdir.

Arzuolunmaz  tüklərdən, arzuolunmaz soraqlar

Arzuolunmaz tüklərdən birdəfəlik qurtarmaq istəyirsiniz? O zaman bizə müraciət edin. Tez-tez telekanallarda, qəzetlərdə və demək olar ki, bütün gözəllik salonlarının qarşısından asılmış elanlarda  belə təkliflərə rast gəlirik. Azərbaycan xanımlarının daha çox hissəsi qarabuğdayı olduğundan və üstəlik yaşadığımız ərazidə günəş enerjisinin həddən çox olması arzuolunmaz tüklərin çoxalmasına səbəb olur. Bütün mədəniyyətlərin beşiyi olan Şərdqə lap qədim zamanlardan bu tükləri təbii yollarla təmizləyirdlər. Elə biz də. Mumiya, bal, şərbət və başqa maddələrlə dərini tərtəmiz etmək mümkün olsa da bu gün belə deyil. Müxtəlif tük tökən kremlərlə və texniki üsullarla tüklərdən birdəflik xilas olmaq mümkün deyil. Bəziləri ömürlük xilasın da yolunu  göstərirlər. Guya arzuolunmaz tüklərdən hanısasa dəniz heyvanlarının piyindən hazırlanmış kremlərlə birdəflik qurtarmaq olur. Yadda saxlamaq lazımdır ki hər bir tükün kökündə onun piy vəzisi olur. Bu vəzilərin birdəflik yox olması isə orqanizimdə müxtəlif fəsadalara səbəb olur. Çünki insan orqanizimi harmoniya təşkil edir. Hansısa hüceyrənin kimyəvi yolla məhv edilməsi başqa toxumalar da öldürücü təsir edə bilər. Belə yalanlara inanmaq ən azından sadəlövlükdür. Bir-neçə il öncə xarici telekanallardan birində bu mövzu ilə bağlı izlədiyim bir süjeti sizə də xatırlatmaq istəyirəm. Böyük bir yarışmaya qatılacaq idmançı bədənindəki tüklərdən birdəfəlik xilas olmaq üçün müraciət edib. Onun istifadə etdiyi krem isə heç vaxt sağalmayacaq xəstəliyə səbəb olub. Belə ki,  dərinin xaricində olan bütün tüklər əks istiqamətə, dərinin daxilinə doğru inkişaf etmməyə başlayıb. Bu qorxulu olaydır. Amma yaddan çıxarmaq lzım deyil ki, eyni zamanda xoşagəlməz faktdır.