 Xəbər verdiyimiz kimi, bu il iyulun 14-də Daxili Qoşunların Zaqataladakı “N” saylı hissəsində bədbəxt hadisə baş verib. Belə ki, Şirvan şəhər Hərbi Komissarlığından orduya çağırılmış Yəhya Zərbəliyev hərbi hissənin avtomobilini təmir edərkən maşın onun üstünə aşıb. Nəticədə əsgərin böyük fəqərəsi əzilib.
Y.Zərbəliyevin atası Əlisahib Zərbəliyevin sözlərinə görə, oğlunun vəziyyəti ağır olduğundan onu Bakıya gətirib. Oğlunun müalicəsinin Almaniya və Finlandiyada mümkün olduğunu söyləyən ata pulu olmadığından bu işi həyata keçirə bilmir: “Oğlumun tənəffüs sistemini bərpa etmək üçün 120 min dollar lazımdır. Amma Daxili Qoşunların rəhbərliyi bizə yardım etmək istəmir. Daxili Qoşunların komandanı Zakir Həsənovun qəbuluna düşmək istəsəm də hər dəfə məni onun müavinləri qəbul edib. Bahalı dərmanların hamısını özüm almışam. Zakir Həsənovun tibbi məsələlər üzrə müavini Vaqif Süleymanov məni aldadıb. İndiyədək oğlumun müalicəsinə 20 min manat xərcləmişəm. Hətta oğlumun müalicəsi üçün Bakıda hesab da açdırmışam. Amma həmin hesaba bu günədək bir manat da olsun pul köçürülməyib”.
| 
При копировании материала с сайта, ссылка на сайт обязательна!
