Müğənni Anastasiya Prixodko məhkəməyə verildi May ayında keçiriləcək “Eurovision-2009” mahnı müsabiqəsinin hazırlıqlarında yeni qalmaqal yaranıb. Rusiyanı “Eurovision-2009” müsabiqəsində təmsil edəcək müğənni Anastasiya Prixodkonun mahnısı oğurluq çıxıb. Lent.az-ın “Seqodnya” qəzetinə istinadən məlumatına görə, müğənninin prodüseri Konstantin Meladze müsabiqədə oxunacaq "Mamo" mahnısının oğurluq olması iddiası ilə məhkəməyə verilib. İddianı qaldıran 36 yaşlı vokal müəllimi Yadviqa Propovskayadır. O iddia edir ki, “Yaşa dolan məhəbbət” adlı həmin mahnını hələ dekabr ayında Moskvaya səsyazmaya göndərib. Mahnıya klip də çəkdirib. Klipin rejissoru və operatoru öz valideynləridir. Meladze isə bu iddiaları “əhəmiyyətsiz və müsabiqə ətrafında dolanan qalmaqal” adlandırıb.
При копировании материала с сайта, ссылка на сайт обязательна!
