|
Röya həmin günü səbirsizliklə gözləyir.
Azərbaycan estradasına yorulmadan xidmət edən müğənni Röya bir aylıq fasilədən sonra yaradıcılıq işlərinin ritmini artırıb. Yeni evlənən müğənni bəzi işlərdə həyat yoldaşı Anardan məsləhət almağı unutmur. Bəzən vaxt problemi ilə rastlaşan müğənni buna baxmayaraq ailəsinə olan diqqətini azaltmır. Bu barədə "Ayna"ya danışan müğənni sözünün davamında dedi: "Nikahdan sonra Anara diqqətimi bir az da artırmışam. Onunla baş-başa qalmaq üçün hər gün vaxt ayırıram. Dostlarım bəzən mənim sənəti ikinci plana keçirdiyimi deyirlər. Ümumiyyətlə, mən ailəyə bağlı insanam. Hərdən nə vaxtsa ana olacağımı düşünəndə bu hisslərin məndə xoş təəssürat yaratdığını görürəm. Lakin bəzi qadınlardan fərqli olaraq ilk övladımın oğlan olmasını arzulayıram. Dostlarım mənə deyirlər ki, sən şıltaq, bir qədər də kişi xasiyyətinə maliksən, zəhmətkeşsən. Onların da proqnozuna görə, əgər qismətimə ana olmaq düşərsə, ilk övladımın oğlan olacağına əminəm. Lakin Allahın insana nə bəxş edəcəyini bilmədiyimiz üçün həmin günün tezliklə yetişməsini gözləyirəm. Qız yaxud oğlan olsa, bu mənim onlara olan məhəbbətimi zərrə qədər azaltmayacaq".
Söhbət zamanı müğənni noyabrın 1-də Əl Oyunları Konsert Kompleksində verəcəyi konsert proqramı üzərində məşqlərini davam etdirdiyini bildirdi. Müğənninin əlavəsinə görə, gecədə onun 40 dəqiqəlik çıxışı planlaşdırılır. Xatırladaq ki, həmin gün Röya ilə eyni səhnəni "Dəyirman" qrupu və Rusiyadan dəvət olunan Dy Elizabet bölüşəcək.
Fikirlerinizi bildirmeyi unutmayin...!!!
| 
При копировании материала с сайта, ссылка на сайт обязательна!
