Müğənni yaşadığı binanın altında yerləşən «Elit» marketin borcunu 4 aydır ki, vermir
Eşitdik ki., mügənni Rəqsanə yaşadığı binanın altında yerləşən «Elit» marketə 150 manat pul borcludur. Xəbəri araşdırmaq üçün üz tutduq həmin ünvana - yəni Ayna Sultanovaya. Bizi qarşılayan həmin marketin satıcısı xəbəri təsdiqləyərəq dedi ki, müğənni artıq 4 aydır, aldığı yeyinti məhsullarının pulunu ödəməkdən boyun qaçırır. Satıcı ilə bərabər qalxdıq Rəqsanəgilə. Qapının zəngini xeyli vaxt çaldıqdan sonra, nəhayət, qapının arasından başını çıxaran Rəqsanənin anası «Mənim heç nədən xəbərim yoxdur. Rəqsanə ölkədən kənardadır», - deyib qapını bağladı. Əlacsız qalan satıcı kor-peşman marketə, biz isə redaksiyaya qayıtdıq. Həmin günün axşamı ATV telekanalında yayımlanan şou yarışmasında Rəqsanənin iştirakı onun vətəndən kənarda olmadığını, evdə bilərəkdən gizlənməsini aşkara çıxardı. Görəsən, Rəqsanə marketə olan borcunu niyə qaytarmır? Ayın 28 gününü toylarda keçirən, bahalı avtomobildən, evdən dəm vuran Rəqsanənin məgər 150 manat pulu yoxdur? Nə isə… Rəqsanə gizlənməkdə olsun, market sahibi də pulunu gözləməkdə. Yəqin ki, Rəqsanə xanım nə vaxtsa insafa gəlib marketə olan borcunu qaytarar
|
WwW.World-Az.Net! 
