Eurovison da Ermənilərə kömək edən Azərbaycanlı
“Novosti Armeniya”nın yaydığı məlumata görə, Aslan Əhmədov Ermənistan təmsilçilərinin çıxışını hazırlayan “Fresh Art” şirkətinin təsisçilərindən biridir. O digər təsisçilər David Gevorkov və Aleksandr Siradekyanla birgə Anuş və İnqanın çıxışı üçün xüsusi kompozisiya tərtib edib. “Fresh Art”ın rəhbərləri Ermənistan təmsilçilərini “Eurovision-2009”-a hazırlamaq işinin məhz onlara tapşırılmasından qürur duyduqlarını bildiriblər: “Fəxr edirik ki, qüdrətli və qədim dövlət olan Ermənistanı özündə çoxəsrlik mədəniyyəti və etnosu təcəssüm etdirən qeyri-adi koloritli mahnı ilə təmsil etmək işini bizə həvalə ediblər”.
Qeyd edək ki, Ermənistan təmsilçilərinin “Eurovision-2009”-da çıxışının tərtibatı ilə məşğul olan Aslan Əhmədov 1973-cü ildə Bakıda anadan olub. 1994-cü ildə Bakıda İncəsənət Universitetini bitirən Aslan Əhmədov Sankt-Peterburqa köçüb. O orada ermənilər David Gevorkov və Aleksandr Siradekyanla birlikdə “Fresh Art” şirkətini təsis edib.
APA-nın müxbiri Ermənistan təmsilçilərinin çıxışını hazırlayan Aslan Əhmədovdan bununla bağlı açıqlama almaq istəsə də, o açıqlama verməkdən imtina edib.
| 
При копировании материала с сайта, ссылка на сайт обязательна!
